URANG SUMANDO DI MINANG KABAU

URANG SUMANDO TABAGI 6

1.      Urang Sumando Kacang Miang.

Mambuek kusuik nan salasai

Mangaruah korong jo kampuang

Bumi sampik alam tak sunyi

Dio manjadi upeh racun

2.      Urang Sumando Langau Hijau

Atah taserak dinan kalam

Intan tacicia sadang bada

Ulek tingga inyo pun tabang

Langau nan indak malengong lai

3.      Urang Sumando Kutu Dapua

Indak bajalan ilia mudiak

Korong jo kampuang indak tatampuah

Karib jo kirabat indak paduli

Namuah manumbuak jo batanak

Lah samak jalan ka tapian

Lah kalam jalan ka pintu

Lah elok langkah ka dapua

Asa sanang bini awak

Mati ayanm mati tungau

Sadanglah dunia candi itu.

4.      Urang Sumando Lapiak Buruak

Iyolah urang kalangkahan

Manjadi ijuak panaba

Patang pagi dikicuah bini

Awak kasiah bini manggendeang

Asa bini tak dapek malu

Asa carai jan disabuik

Bialah awak jadi landasan

5.      Urang Sumando Bapak Paja

Inyo umpano kumbang janti

Datangnyo rancak pai pun rancak

Pulang sanjo pai lah pagi

Satu pun indak dapek di arokan

Pandai manggulai tak baraia

Kanyang dek gulai ambuang-ambuang

Mabuak bamain muluik manih

Raso di tapak tangan sajo

6.      Urang Sumando Niniak Mamak

Itulah bumi langik kito

Kaganti cincin dengan galang

Pajuang panji tampek balinduang

Kaganti sitawa jo sidingin

Panjang nan kamangarek

Singkek nan ka mauleh

Dalam aka budi bicaronyo faham elok kito basamo

Lahie bathin tak baupatan.