Kalau syara’ mangato adat mamakai, maka syara’ mangatokan wanita itu tiang nagari, bila baik wanita baik nagari dan jika rusak wanita akan rusak nagari
Di Minangkabau wanita di klasifikasikan menjadi 3, yaitu :
1. Parampuan
Tapakai taratik dengan sopan
Mamakai baso jo basi
Tau di ereang dengan gendeang
Tau kapado sumbang salah
Takuik kapado Allah jo Rasul
Muluik manih baso katuju
Pandai bagarau samo gadang
Hormat kapado ibu jo bapak baitu pulo jo urang tuo.
2. Simarewan
Faham sabagai gatah caia
Iko elok etan katuju
Bak cando pimpiang di lereang
Bagai baliang-baliang dipuncak bukik
Kamano angin inyo kakian
Bia balaki umpano tidak
Itulah bathin kutuak Allah
Isi narako tujuah lampih.
3. Mambang Tali Awan
Iyolah parampuan tinggi ati
Kalau mangecek samo gadang
Atau barundiang di nan rami
Angan-angan indak ado ka nan lain
Tasambia juo laki awak
Dibincang-bincang bapak si upiak
Atau tasabuik bapak si buyuang
Sagalo labiah dari urang
Baiak tantang balanjo nyo
Baiak kasiah ka suami
Dirumah jarang baranjak-ranjak
Dilagakkan mulia tinggi pangkek
Sulik nan lain mayamoi
Walau suami jatuah hino
Urang disangko tak baiduang
Puji manjulang langik juo.
Tidak ada komentar:
Posting Komentar